ايماق باسشىسى قۇمار اقساقالوۆ پەن «Fortebank» اق-ى باسقارماسىنىڭ توراعاسى ماعجان اۋەزوۆ ەكەۋارا اڭگىمە بارىسىندا جەرگىلىكتى باعدارلامالاردى جۇزەگە اسىرۋدىڭ كەلەلى ماسەلەلەرىن ورتاعا سالدى. ونىڭ ىشىندە ەكىنشى دارەجەلى بانكتەردىڭ قارجىلاندىرۋ مۇمكىندىكتەرىنە توقتالدى.
ء«بىز اشىق ىسكەرلىك بايلانىستارعا اركەز ءازىرمىز. بۇل باعىتتا كاسىپكەرلەرگە جان-جاقتى قولداۋ كورسەتىلەدى», دەدى قۇمار ىرگەباي ۇلى.
م. اۋەزوۆ ءوز سوزىندە بانكتىڭ كرەديتتىك پورتفەلى 6,5 ميلليراد تەڭگەنى قۇرايتىنىن, وزىق جوبالار ءبىرىنشى كەزەكتە قامتىلاتىنىن جەتكىزدى. ونىڭ ءبىر مىسالىنا وبلىس ورتالىعىندا مەملەكەتتىك-جەكەمەنشىك ارىپتەستىك اياسىندا سالىنىپ جاتقان تەننيس كورتىن اتادى. مۇنداي الەۋمەتتىك قارىم-قاتىناستار ودان ءارى جالعاسادى.
قوس تاراپتىڭ سىندارلى كەزدەسۋىنەن كەيىن وزارا ىنتىماقتاستىق كوكجيەگىن ودان ءارى ورىستەرۋ تۋرالى مەموراندۋمعا قول قويىلدى.
پەتروپاۆل قالاسىندا بانكتىڭ فيليالى اشىلىپ, تۇرعىندارعا بىرنەشە قىزمەت تۇرلەرى ۇسىنىلدى.
بۇگىندە بانكتىڭ وبلىس بويىنشا 23 مىڭنان استام تۇتىنۋشىسى بار.
ءومىر ەسقالي,
«ەگەمەن قازاقستان».
